«Манчестер Сити»нинг испаниялик ярим ҳимоячиси Родри Эрнандес «Барселона»нинг трансфер нишони бўлиб қолишда давом этмоқда.

Diario SPORT хабарига кўра, «кўк-анорранглилар» «шаҳарликлар»га Родри бўйича иккинчи таклифни юборишган. Клуб 65 миллион евро плюс бонуслар кўринишида яна беш миллион евролик оферта жўнатган.

Таъкидланишича, музокаралар жадал суръатларда кечмоқда. Иккала клуб ҳам битимни ортга суришни истамаяпти. «Барселона»да якуний келишувга яқин суткалар ичида эришилишига умид қилишмоқда.

Ўтган мавсумда 30 ёшли Родри барча турнирларда 33 та ўйинда майдонга тушди. Ушбу вақт ичида у рақиблар дарвозасини икки бор ишғол этди.