Миллатлар лигаси гуруҳ босқичи доирасида Норвегия терма жамоаси ўз майдонида Португалияни қабул қилди. Учрашув скандинавияликларнинг 1:2 ҳисобидаги мағлубияти билан якунланди.
Ўйиндан сўнг Норвегия ярим ҳимоячиси Мартин Эдегор Португалиянинг 41 ёшли ҳужумчиси Криштиану Роналду ҳақида фикр билдирди.
"Мен учун Роналду — ўрнак. Криштиану "Реал"да менга жуда яхши муносабатда бўлган ва жуда кўп ёрдам берган. Мен буни ҳеч қачон унутмайман.
У билан бирга ўйнаш — ҳар бир боланинг орзуси. Бу ажойиб ҳис эди", — дея Эдегорнинг сўзларини инсайдер Фабрицио Романо ижтимоий тармоқларида келтирди.
Эслатиб ўтамиз, Роналду Норвегия — Португалия учрашувида майдонга тушмади.
