Millatlar ligasi guruh bosqichi doirasida Norvegiya terma jamoasi o‘z maydonida Portugaliyani qabul qildi. Uchrashuv skandinaviyaliklarning 1:2 hisobidagi mag‘lubiyati bilan yakunlandi.
O‘yindan so‘ng Norvegiya yarim himoyachisi Martin Edegor Portugaliyaning 41 yoshli hujumchisi Krishtianu Ronaldu haqida fikr bildirdi.
"Men uchun Ronaldu — o‘rnak. Krishtianu "Real"da menga juda yaxshi munosabatda bo‘lgan va juda ko‘p yordam bergan. Men buni hech qachon unutmayman.
U bilan birga o‘ynash — har bir bolaning orzusi. Bu ajoyib his edi", — deya Edegorning so‘zlarini insayder Fabrisio Romano ijtimoiy tarmoqlarida keltirdi.
Eslatib o‘tamiz, Ronaldu Norvegiya — Portugaliya uchrashuvida maydonga tushmadi.
