«Barselona» yarim himoyachisi Gavi jamoadagi hozirgi holatidan norozi.
22 yoshli futbolchi ayni paytda asosiy tarkibda doimiy o‘ringa ega emas. Shu sabab u Ispaniya terma jamoasining joriy yig‘iniga ham chaqirilmadi.
El Nacional xabariga ko‘ra, Gavi uchun vaziyatdan chiqish yo‘llaridan biri klubini almashtirish bo‘lishi mumkin.
Futbolchiga Yevropaning ikki yirik klubi — «Manchester Yunayted» va «PSJ» jiddiy qiziqish bildirmoqda.
«Manchester Yunayted» avval ham Gavini o‘z safiga qo‘shib olishga uringan va yana uning transferiga qaytishi mumkin.
«PSJ» bosh murabbiyi Luis Enrike ham ispaniyalik yarim himoyachi bilan ishlashni istamoqda.
Transfermarkt portali Gavining bozor qiymatini 30 million yevroga baholamoqda.
