2026 yilgi «Oltin to‘p» Londonda topshiriladi. Taqdirlash marosimi 26 oktyabr kuni bo‘lib o‘tadi, ovoz berish jarayoni esa dushanba kuni yakunlandi.

Tashkilotchilar ovoz berish natijalarini sir saqlaydi. So‘nggi yillarda g‘olib o‘z muvaffaqiyati haqida marosimga yaqin vaqtdagina xabar topmoqda. Avvallari esa g‘olibga bu haqda oldindan ma’lum qilinib, taqdirlash marosimidan so‘ng jurnalda uning suhbati va suratlari chop etilar edi.

Polymarket ekspertlari «Oltin to‘p» sohibi bo‘lish ehtimoli bo‘yicha o‘z prognozlarini yangiladi.

Unga ko‘ra, Lamin Yamal sovrin uchun asosiy da’vogar sifatida ko‘rilmoqda — uning imkoniyati 45 foizga baholangan. Xarri Keyn 42 foiz bilan ikkinchi o‘rinda.

Kilian Mbappe va Lionel Messi esa 5 foizdan ko‘rsatkich bilan keyingi o‘rinlarni bo‘lishib turibdi.