O‘zbekistonlik grossmeyster Javohir Sindorov shaxmat Olimpiadasidagi g‘alabadan keyin 21 yoshga to‘lmasdan turib ikkinchi marta Olimpiada chempioni bo‘lganidan juda xursand ekanini aytgan edi.

Sobiq jahon chempioni Vladimir Kramnik Sindorovning bu fikriga hazilomuz tarzda munosabat bildirdi.

"Men 21 yoshga to‘lgunimga qadar uchta chempionlikni qo‘lga kiritganman. Shuning uchun bu unchalik ham hayratlanarli emas, Javohir", — deb yozdi Kramnik hazil tariqasida.

Shundan so‘ng rossiyalik grossmeyster O‘zbekiston terma jamoasining Olimpiadadagi g‘alabasini yuqori baholadi.

"Jiddiy aytadigan bo‘lsam, O‘zbekistonni tabriklayman. Ajoyib ishtirok va to‘la haqli oltin medal. Shunchaki eng yaxshisi", — deya qo‘shimcha qildi Kramnik.