Ўзбекистонлик гроссмейстер Жавоҳир Синдоров шахмат Олимпиадасидаги ғалабадан кейин 21 ёшга тўлмасдан туриб иккинчи марта Олимпиада чемпиони бўлганидан жуда хурсанд эканини айтган эди.
Собиқ жаҳон чемпиони Владимир Крамник Синдоровнинг бу фикрига ҳазиломуз тарзда муносабат билдирди.
"Мен 21 ёшга тўлгунимга қадар учта чемпионликни қўлга киритганман. Шунинг учун бу унчалик ҳам ҳайратланарли эмас, Жавоҳир", — деб ёзди Крамник ҳазил тариқасида.
Шундан сўнг россиялик гроссмейстер Ўзбекистон терма жамоасининг Олимпиададаги ғалабасини юқори баҳолади.
"Жиддий айтадиган бўлсам, Ўзбекистонни табриклайман. Ажойиб иштирок ва тўла ҳақли олтин медаль. Шунчаки энг яхшиси", — дея қўшимча қилди Крамник.
