«Манчестер Юнайтед»нинг собиқ ярим ҳимоячиси Пол Скоулз клуб «Тоттенхэм» ҳимоячиси Кристиан Ромеронинг трансферига аралашиб, уни илиб кетиши кераклигини айтди. Унинг сўзларига кўра, аргентиналик футболчи — «ҳақиқий масхарабоз», аммо жамоага айнан шундай ўйинчилар зарур.

«Билиб турибман, бу аҳмоқона эшитилиши мумкин, лекин у менга ёқади. У жуда яхши ҳимоячи, аммо баъзида аҳмоқона ишларни қилади. У ҳақиқий масхарабоз. Лекин агар кимдир уни жиловлай олса, масалан Майкл Кэррик, унга ёрдам бериши мумкин. «Олд Траффорд» мухлисларига у аниқ ёққан бўларди», — деди Скоулз.

Ромеро «Атлетико»га ўтишга яқин турибди, бироқ «Интер», «Барселона» ва «Арсенал» ҳам унга қизиқиш билдирмоқда. Скоулзнинг ҳисоблашича, марказий ҳимоя «Юнайтед»нинг энг асосий муаммоси ҳисобланади.