"Манчестер Сити" вингери Савио "Тоттенхэм"га ўтишга яқин турибди. Лондон клуби трансферни яқин кунларда якунлашга умид қилмоқда.
Transfer News Live ESPN Brasil маълумотига таяниб хабар беришича, "шпорлар" "Манчестер Сити"нинг молиявий талабини қондиришга тайёр. Савионинг трансфер қиймати 70 млн фунтдан ошиши кутилмоқда, бу тахминан 82 млн еврога тенг.
Савионинг ўзи анчадан буён "Тоттенҳэм"га ўтишни истамоқда. Бироқ "Манчестер Сити" бразилиялик футболчининг сотувига розилик беришдан аввал унга муносиб ўринбосар топишни хоҳламоқда.
22 ёшли Савиньо ўтган мавсум "Манчестер Сити" сафида барча мусобақалар доирасида 36 та учрашув ўтказиб, 4 та гол урди ва 3 та голли узатмани амалга оширди.
