Маттео Мореттонинг Solofichajes123 нашрига таяниб хабар беришича, «Барселона» ўнг қанот ҳимоячиси Эктор Форт билан хайрлашиш эвазига 20 миллион евро талаб қилмоқда.
Агар каталонияликлар футболчи ҳуқуқларининг 50 фоизини ўзларида сақлаб қолишни исташса, ушбу нарх 10 миллион еврогача тушиши мумкин.
Бош мураббий Ханси Флик Хави Эспартни асосий таркибга ўтказиш ва унга таянишни афзал кўриб, Фортни ўз режаларидан чиқариб ташлади. Шундан сўнг футболчига ўзига янги клуб топиш топширилди.
Ўтган мавсумни ижара асосида «Эльче»да ўтказган 20 ёшли ҳимоячига камида ўнта клубдан, жумладан, Дортмунднинг «Боруссия»си ҳамда Англия, Испания ва Италия жамоаларидан таклифлар тушган.
