"Челси" ярим ҳимоячиси Энцо Фернандес "Манчестер Сити"га ўтиши ва у ерда Энцо Мареска билан яна бирга ишлаши мумкин.
Журналист Сесар Луис Мерлонинг хабар беришича, "шаҳарликлар" Фернандес трансфери учун 120 миллион евро таклиф қилган.
Аввалроқ ОАВда "Челси"нинг бу масалада ультиматум қўйгани ҳақида хабарлар тарқалган эди. Унга кўра, Лондон клуби "Манчестер Сити"дан жума куни кечга қадар Фернандес учун тахминан 140 миллион евро таклиф қилишни талаб қилган. Акс ҳолда, трансфер амалга ошмайди.
"Манчестер Сити" 25 ёшли аргентиналик футболчи учун сарфланадиган маблағнинг бир қисмини Родрини сотиш орқали қоплаши мумкин.
Эслатиб ўтамиз, "Челси" 2023 йил январда Энцо Фернандес трансфери учун 121 миллион евро тўлаган.
