«Нефтчи» ёзги трансфер ойнасида таркибни анча кучайтирди. Клуб раҳбарияти Суперлига ва миллий терма жамоамиз сафида тажриба орттирган таянч ярим ҳимоячи Абдулла Абдуллаев билан шартнома имзолади.

Абдулла Абдуллаев фаолияти давомида ўзининг юқори маҳорати, майдонни яхши кўра олиши, тўп билан ишлашдаги ишончлилиги ва жанговор характери билан ажралиб келган. Унинг тажрибаси ва ярим ҳимоядаги кўп қиррали ўйини жамоамизнинг иккинчи даврадаги муҳим вазифаларини амалга оширишда катта аҳамият касб этади.

Абдулла 2025-2026 йилги мавсумни БААнинг "Дибба ал-Фужайра" клуби сафида ўтказди. Абдуллаев фаолияти давомида "Бунёдкор", ОКМК, "Пахтакор" ва "Хор-Факкан" (БАА) жамоаларида ўйнаган.