Криштиану Роналду Португалия терма жамоаси қароргоҳини ўзбошимчалик билан тарк этди. Кўринишидан, юлдуз ҳужумчи захира ўриндиғида қолишга рози бўлмаган. Унинг 7-рақами Рафаэл Леауга берилди ва футболчи бу ҳақда фикр билдирди.

«Мен уларга: «Йўқ, мен бу футболкани хоҳламайман», дедим, аммо улар ўз қарорларида туриб олишди. Менинг позициям оддий: Криштиану маълум сабабларга кўра терма жамоани ҳозиргина тарк этди. Биз уни ҳурмат қилишимиз ва кейинги халқаро танаффусга қадар 7-рақамни унга сақлаб қўйишимиз керак эди. Аммо улар барибир қароридан қайтмади ва менинг рақамимни 7 га ўзгартиришди.

Мен бу футболкани ҳеч қачон хоҳламаганман, чунки бу жуда катта масъулият. Бундан ташқари, уни кийиш учун ҳали жуда эрта, чунки Роналду эндигина жамоани тарк этди», — дея Леаунинг сўзларини FullTime Report келтирди.

Пайшанба куни Португалия терма жамоаси Миллатлар лигаси доирасида сафарда Данияга қарши майдонга тушади.