Криштиану Роналдунинг Мадридга етиб келганидан кейинги видеоси пайдо бўлди.
«Ан-Наср» ҳужумчиси кеча Копенгагенда Данияга қарши ўтадиган Миллатлар лигаси учрашуви арафасида бош мураббий Жорже Жезуш билан юзага келган можаро сабаб Португалия терма жамоаси қароргоҳини тарк этган эди. Футболчи дисквалификация ва жаримага тортилиши мумкин. Шунингдек, Криштиану терма жамоадаги фаолиятини якунлагани ҳақида хабарлар тарқалган.
Мадридга етиб келган 41 ёшли футболчи аэропорт яқинида, шунингдек, уни кутиб олган автомобиль ичида тасвирга олинди.
Эълон қилинган кадрларда мухлис автомобил ёнига келиб, Роналдуни ойна орқали видеога олган. Португалиялик футболчи тушкун кайфиятда кўринган ва камерага ҳеч қандай муносабат билдирмаган.
Эътиборли томони, Криштиану Португалия терма жамоаси экипировкасида бўлган.
