Португалия бош вазири Луиш Монтенегру Криштиану Роналду билан боғлиқ вазиятга аралашди.
«Ан-Наср»нинг 41 ёшли футболчиси кеча Копенгагенда Данияга қарши Миллатлар лигаси учрашуви арафасида бош мураббий Жорже Жезуш билан юзага келган можаро сабаб Португалия терма жамоаси қароргоҳини тарк этган эди. Футболчи дисквалификация ва жаримага тортилиши мумкин. Шунингдек, Криштиану терма жамоадаги фаолиятини якунлагани ҳақида ҳам хабарлар тарқалди.
Record нашри маълумотига кўра, Монтенегру Португалия футбол федерацияси президенти Педру Проэнса билан боғланган ва Жорже Жезуш билан ҳам суҳбатлашиш истагини билдирган. Бу қадам Роналду Португалия терма жамоасининг Копенгагендаги йиғин лагерини тарк этганидан кейин ташланган.
SIC телеканали маълумотига кўра, бош вазир Криштиану Роналдунинг ўзи билан ҳам суҳбатлашган.
Қайд этилишича, Монтенегру терма жамоа бош мураббийи билан яхши муносабатларга эга. Шу сабабли у Жезуш билан шахсан гаплашишни муҳим деб ҳисоблаган.
