Португалия U-23 чемпионатининг янги мавсуми старт олди. Ўзбекистонлик футболчилар — Садриддин Ҳасанов ва Сайфиддин Содиқов тўп тепаётган “Брага U-23” жамоаси илк турда “Фаренсе U-23” меҳмони бўлди.

“Брага” ёшлари 2:3 ҳисобида имкониятни бой берган баҳсни Садриддин Ҳасанов асосий таркибда бошлади ва 87-дақиқада захирага олинди. Бу унинг Португалиядаги янги жамоаси сафида расмий учрашувдаги илк иштироки бўлди.

Баҳсда мезбонлар 32-дақиқада Мораэснинг голи эвазига ҳисобни очди. Иккинчи бўлимда эса “Фаренсе” кетма-кет голлар уриб, камбек амалга оширди. Нсумбу 62-дақиқада ҳисобни тенглаштирди. 72-дақиқада Карвалю яна “Брага”ни ҳисобда олдинга олиб чиққан эди. Бироқ Нсумбу 72-дақиқада дубль қайд этган бўлса, 82-дақиқада Коста меҳмонларга ғалаба келтирган голни урди.

Сайфиддин Содиқов эса кичик жароҳат сабабли мазкур баҳсда иштирок этмади. У ҳозирча индивидуал тарзда машғулот олиб бормоқда ва ҳафта якунига қадар жамоавий машғулотларга қўшилиши кутилмоқда.

Эслатиб ўтамиз, ҳар икки ўзбекистонлик футболчи ёзги трансферлар ойнасида Португалиянинг “Брага” клубига қўшилганди.