«Shanxay SIPG» yarimhimoyachisi Odil Ahmedov nega «Krasnodar» klubini tark etgani haqida gapirib berdi.

«Rossiyaga qaytmayman, 2-3 yil Xitoyda o‘ynab, keyin uyga qaytaman. Vaqti keldi.

Shalimov «Krasnodar»ni boshqarganida, u bilan bor yo‘g‘i bir marta gaplashganman. O‘shanda murabbiy menga: «Senga maydon markazida joy yo‘q. Gap tamom» - degan. Balki unga o‘yin uslubim yoqmagandir. Nima ham derdim...

Shalimov qo‘li ostida o‘z nuqtamda biror marta o‘ynamadim, goh chap, goh o‘ng qanotda maydonga tushirildim. Axir men markaziy yarimhimoyachimanku?! Qanotlarda samaradorligim ikki barobar pasayib ketadiku?!

Xullas, murabbiy bilan bo‘lgan suhbatdan so‘ng, ketishga qaror qildim. Vaziyatni tahlil qila turib, 2017 yilda «Krasnodar»da hech narsaga erisholmasligimni tushundim.

O‘zim «Krasnodar» o‘yinlarini kuzatmayman. Tanishlarimning gapiga ko‘ra, o‘yin unchalik yaxshimas. Bu «Krasnodar» boshqacha o‘ynamoqda, ammo Kononov quyib ketgan poydevor haliyam mavjud. Keyingi mavsumda Shalimov bilan nimalarga erishilishi katta so‘roq ostida turibdi.

«Krasnodar» xo‘jayini Sergey Nikolayevich Galiskiy Rossiya futboli uchun ko‘p narsa qilmoqda. Uning jamoasi chempion bo‘lib, Yevropa ligasining finalida o‘ynashga munosib. Jamoadan ketishim ma’lum bo‘lgach, Galiskiy bilan bog‘landim, unga minnatdorchilik bildirdim. Aynan u meni Krasnodarga taklif qilgan edi. Bilaman, unga o‘yinim yoqardi. Bunday inson bilan ishlash yoqimli bo‘lgan» - dedi Ahmedov «Futbol» haftanomasiga bergan intervyusida.