UYEFA rasmiy saytining xabariga ko‘ra, Chempionlar ligasining joriy mavsumida darvozalarga 364ta gol urilgan.
Bu esa har bir o‘yinga 3tadan ziyod gol to‘g‘ri kelishini anglatadi. Endi bu ko‘rsatkich saqlanib qolishi va yangi rekord o‘rnatilishi uchun jamoalar qolgan 5ta o‘yinda 11ta gol urishlari kerak.
Ayni paytda rekord 2012/13 mavsumga tegishli. O‘shanda jamoalar 368ta gol urgan (o‘rtacha sermahsullik – 2,94 gol).
Eng ko‘p gol esa 2000/01 mavsumda urilgan – 449. Ammo u paytda guruh bosqichi ikkita bo‘lgan va o‘yinlar soni 157tani tashkil qilgan.