Fransiyaning «Monako» klubi hujumchisi Radamel Falkao YECHL yarim finali doirasidagi «Yuventus»ga qarshi o‘yin oldidan o‘z fikrlarini bildirib o‘tdi.
«Chempionlar ligasining yarim finallari juda qiziqarli kechadi. Bunaqasini boshqa hech qayerda uchratmaysiz.
Biz va raqibizning tarkibi ajoyib futbolchilardan tashkil topgan. «Monako» va «Yuventus» qarama-qarshiligi haqiqiy spektaklga aylanadi.
Turinliklarga gol urish juda qiyin ish. Allegrining jamoasi juda yaxshi shakllangan va o‘yin muvozanatini ushlab tura oladi.
Masalan, «Barselona» ham ularning darvozasini ishg‘ol qila olmadi. Ammo «Atalanta» ikkita gol urdi. Xa futbolda har narsa ro‘y berishi mumkin» - deydi kolumbiyalik futbolchi Football Italia nashriga.
