19 may kuni Kuba poytaxti Gavana shahridagi “Coliseo Ciudad Deportiva” zalida Butunjahon boks seriyasining chorakfinal javob bahslaridan o‘rin olgan “Cuba Domadores” va “Uzbek Tigers” jamoalari jangi o‘tkaziladi.
Jamoamiz murabbiylari kubaliklarga qarshi janglarda ishtirok etuvchi bokschilarimizning nomini e’lon qilishdi. Unga ko‘ra bokschilarimiz turli vazn toifalarida quyidagi bokschilarga qarshi ringga ko‘tarilishadi:
52 kg. Jasur Latipov – Veytia Uosbanu
60 kg. Elnur Abduraimov – Astrada Alvarez
69 kg. Shaxram G‘iyosov – Roniyel Iglesias
81 kg. Bektemir Meliqo‘ziyev – Julio La Kruz
+91 kg. Bahodir Jalolov – Gomez Larduyet
Agarda 10ta jang bo‘yicha hisob teng bo‘lib qolsa quyidagi bokschilar o‘zaro jang olib borishadi:
+91 kg. Mirzobek Hasanov – Yandri Toirak
Eslatib o‘tamiz, jamoalarning Samarqand shahrida bo‘lib o‘tgan dastlabki uchrashuvida o‘zbekistonlik bokschilar 3:2 hisobida zafar quchishgan.
