19 май куни Куба пойтахти Гавана шаҳридаги “Coliseo Ciudad Deportiva” залида Бутунжаҳон бокс сериясининг чоракфинал жавоб баҳсларидан ўрин олган “Cuba Domadores” ва “Uzbek Tigers” жамоалари жанги ўтказилади.
Жамоамиз мураббийлари кубаликларга қарши жангларда иштирок этувчи боксчиларимизнинг номини эълон қилишди. Унга кўра боксчиларимиз турли вазн тоифаларида қуйидаги боксчиларга қарши рингга кўтарилишади:
52 кг. Жасур Латипов – Вейтиа Уосбану
60 кг. Элнур Абдураимов – Астрада Алварез
69 кг. Шахрам Ғиёсов – Рониел Иглесиас
81 кг. Бектемир Мелиқўзиев – Жулио Ла Круз
+91 кг. Баҳодир Жалолов – Гомез Лардует
Агарда 10та жанг бўйича ҳисоб тенг бўлиб қолса қуйидаги боксчилар ўзаро жанг олиб боришади:
+91 кг. Мирзобек Ҳасанов – Яндри Тоирак
Эслатиб ўтамиз, жамоаларнинг Самарқанд шаҳрида бўлиб ўтган дастлабки учрашувида ўзбекистонлик боксчилар 3:2 ҳисобида зафар қучишган.
