"Манчестер Юнайтед"нинг собиқ ҳимоячиси Патрис Эвра инглиз клуби ёзги трансфер ойнасида қайси футболчини харид қилиши кераклиги ҳақида фикр билдирди.

"Ким керак? Ҳужумчи, гол урадиган футболчи. Менимча, айнан шундай ўйинчиларни излаш керак. Шунинг учун мен учун Осимхен — энг яхши вариант. У бунга жуда яхши мисол", — дея Эвранинг сўзларини Goal келтирди.

Виктор Осимхен ўтган ёздан бери Туркиянинг "Галатасарой" клуби сафида тўп сурмоқда.

Нигериялик ҳужумчи ўтган мавсумда 33 та ўйинда майдонга тушиб, 22 та гол урди ва 8 та голли узатмани амалга оширди.

Transfermarkt портали Осимхеннинг трансфер қийматини 75 млн еврога баҳоламоқда.