"Manchester Yunayted"ning sobiq himoyachisi Patris Evra ingliz klubi yozgi transfer oynasida qaysi futbolchini xarid qilishi kerakligi haqida fikr bildirdi.
"Kim kerak? Hujumchi, gol uradigan futbolchi. Menimcha, aynan shunday o‘yinchilarni izlash kerak. Shuning uchun men uchun Osimxen — eng yaxshi variant. U bunga juda yaxshi misol", — deya Evraning so‘zlarini Goal keltirdi.
Viktor Osimxen o‘tgan yozdan beri Turkiyaning "Galatasaroy" klubi safida to‘p surmoqda.
Nigeriyalik hujumchi o‘tgan mavsumda 33 ta o‘yinda maydonga tushib, 22 ta gol urdi va 8 ta golli uzatmani amalga oshirdi.
Transfermarkt portali Osimxenning transfer qiymatini 75 mln yevroga baholamoqda.
