Oliy liga 12-turidan o‘rin olgan «Lokomotiv» - «Neftchi» bahsidan so‘ng, farg‘onaliklar bosh murabbiyi Andrey Fyodorov o‘z fikrlari bilan o‘rtoqlashdi.
«Ikki xil taymga guvoxi bo‘ldik. Afsuski, bo‘lim oxiriga kelib gol o‘tkazib yuborganimiz yaxshi bo‘lmadi. Bugun "Neftchi"ning o‘yini qovushmadi. O‘tkazib yuborilgan gollarga kelsak, barcha vaziyat bizning xatolar tufayli sodir bo‘ldi. "Lokomotiv" maxorat jixatdan bugun bizdan kuchli edi. Buni tabloga qarab xam ko‘rish mumkin. Yigitlar maydonda qo‘ldan kelgan barcha ishni bajarishdi. Qaysidir futbolchini ayblamayman» - dedi "Neftchi" bosh murabbiyi.
