«Portu» hujumchisi Andre Silva «Milan» klubiga o‘tishi mumkin.
Football Italia xabariga ko‘ra, portugaliyaliklar 21 yoshli hujumchini 38 million yevro evaziga qo‘yib yuborishga rozi bo‘lgan. Uning tovon puli 60 mln yevroga teng edi, ammo «Portu» moliyaviy feyr-pleyga mos kelish uchun narxni pasaytirishga qaror qilgan.
Silva «Milan»da tibbiy ko‘rikdan o‘tib, 5 yillik shartnomani imzolashi kutilmoqda.