O‘zbekiston U-15 terma jamoasi shu yilning 2–10 iyul kunlari Tojikiston poytaxti Dushanbe shahrida o‘tkaziladigan Markaziy Osiyo futbol assosiasiyasining CAFA CUP–2017 turnirida ishtirok etadi.
Musobaqada O‘zbekiston o‘smirlar termasi bilan birgalikda Tojikiston, Qirg‘iziston, Turkmaniston, Afg‘oniston va Eron U-15 terma jamoalari ishtirok etadi.
Quyida turnir taqvimi bilan tanishing:
U-15 CAFA CUP–2017
Tojikiston, Dushanbe
2–10 iyul, 2017 yil
2 iyul, yakshanba
17:00 Eron – Turkmaniston
18:00 O‘zbekiston – Afg‘oniston
20:00 Tojikiston – Qirg‘iziston
4 iyul, seshanba
17:00 O‘zbekiston – Eron
18:00 Turkmaniston – Qirg‘iziston
20:00 Afg‘oniston – Tojikiston
6 iyul, payshanba
17:00 Qirg‘iziston – O‘zbekiston
18:00 Eron – Afg‘oniston
20:00 Tojikiston – Turkmaniston
8 iyul, shanba
17:00 Eron – Qirg‘iziston
18:00 Afg‘oniston – Turkmaniston
20:00 O‘zbekiston – Tojikiston
10 iyul, dushanba
17:00 Turkmaniston – O‘zbekiston
18:00 Qirg‘iziston – Afg‘oniston
20:00 Tojikiston – Eron
Izoh: Uchrashuv soatlari Toshkent vaqti bilan ko‘rsatilgan
Avvalroq O‘zbekiston U-15 termasi 13–17 iyun kunlari Xitoydagi xalqaro musobaqada ishtirok etishi haqida xabar berilgandi. Turnirlar orasidagi taqvim tig‘iz bo‘lgani sababli, O‘zbekiston o‘smirlar termasi ikkiga bo‘linadi. U-15 CAFA CUP–2017 musobaqasiga futbolchilarni Aleksandr Mochinov tayyorlaydi va ular bilan Tojikistonga yo‘l oladi. Dilshod Nuraliyev esa shogirdlarini Xitoydagi turnirga olib boradi.
Mazkur musobaqa O‘zbekiston o‘smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o‘taydi. Saralash bosqichi shu yilning 16–24 sentyabr kunlari bo‘lib o‘tadi.
