Oliy liga 15-turidan o‘rin olgan "Dinamo" - "Mash’al" (0:0) uchrashuvidan so‘ng, mehmonlar ustozi Aleksandr Xomyakov o‘z fikrlarini bildirdi.
"Asosiy vaqtni himoyada o‘tkazdik. To‘pni nazorat qilish va qarshi hujumga o‘tishni uddalay olmadik. Jamoamiz bir ochkoga haqli edilar. Yigitlarga rahmat aytaman. Biz bugun ikki ochko yo‘qotmadik, bir ochko qo‘lga kiritdik.
Dastlabki davrada eng qiyin o‘yin qaysi bo‘lganini ayta olmayman. Ammo hech bir bahs oson bo‘lgani yo‘q. Kubokda imkon qadar uzoqroqqa borishni istaymiz. Bugungi bahsdan keyin yigitlarimiz tiklanishlari kerak", - dedi Aleksandr Xomyakov.
