Londonning Suday Mirror nashri britaniyaning eng serdaromad sportchilari ro‘yxatini tuzib chiqdi va unda birinchi o‘rin Formula 1 poygalarining 3 karra chempioni Lyuis Hemiltonga nasib etdi.
Britaniyalik poygachi o‘zining qirollik poygalaridagi 10 mavsumi davomida 131 mln funt sterling ishlab topishga muvaffaq bo‘lgan. U o‘zining bu mablag‘ini nafaqat poygalardagi omadli ishtiroki balki, yirik kompaniyalar bilan reklama shartnomalari evaziga ham ishlab topgan.
Mirror nashri jurnalislari taxminiga ko‘ra, Lyuis agarda 2017-yilgi mavsumda zafar quchib 4 karra chempionga aylansa u buning evaziga yana 33 mln. funt foyda ko‘radi. Mercedes jamoasi a’zosi Britaniyadagi yuqori soliqlarni to‘lamaslik maqsadida, hozir ko‘plab poygachilar singari Monakoda istiqomat qiladi.
Kuchli o‘nlikdan futbolchilar Devid Bekhem, Ueyn Runi, Garet Beyl va Teo Uolkott, golf sport turidan Rori Makilroy, tennischi Endi Marrey, basketbolchi Luol Deng va bokschi Entoni Joshua o‘rin egallagan.
