Лондоннинг Suday Mirror нашри британиянинг энг сердаромад спортчилари рўйхатини тузиб чиқди ва унда биринчи ўрин Формула 1 пойгаларининг 3 карра чемпиони Люис Ҳэмилтонга насиб этди.
Британиялик пойгачи ўзининг қироллик пойгаларидаги 10 мавсуми давомида 131 млн фунт стерлинг ишлаб топишга муваффақ бўлган. У ўзининг бу маблағини нафақат пойгалардаги омадли иштироки балки, йирик компаниялар билан реклама шартномалари эвазига ҳам ишлаб топган.
Миррор нашри журналислари тахминига кўра, Люис агарда 2017-йилги мавсумда зафар қучиб 4 карра чемпионга айланса у бунинг эвазига яна 33 млн. фунт фойда кўради. Мерcедес жамоаси аъзоси Британиядаги юқори солиқларни тўламаслик мақсадида, ҳозир кўплаб пойгачилар сингари Монакода истиқомат қилади.
Кучли ўнликдан футболчилар Девид Бэкҳем, Уэйн Руни, Гарет Бейл ва Тео Уолкотт, голф спорт туридан Рори Макилрой, теннисчи Энди Маррей, баскетболчи Луол Денг ва боксчи Энтони Жошуа ўрин эгаллаган.
