O‘zbekistonlik professional bokschi Sanjarbek Rahmonov o‘zining navbatdagi jangini o‘tkazadi.

AQSHda mashg‘ulotlar o‘tkazib kelayotgan Rahmonovning 9 jangi amerikalik Oskar Valensuelaga qarshi bo‘ladi.                 

Bundan avval janglarida 7 ta g‘alaba va 1 ta durang qayd etgan andijonlik bokschi bu safar 8 raundlik to‘qnashuvda o‘z imkoniyatlarini sinovdan o‘tkazadi. Ta’kidlash kerak, 27 yoshli Valensuela bugungacha 12 ta jang o‘tkazishga ulgurgan bo‘lib, 9 ta g‘alaba, 2 ta mag‘lubiyat va 1 ta durang qayd etgan. Bokschi g‘alabalarining 5 tasini muddatidan avval yakunlagan.

Ma’lumot uchun, Sanjar Rahmonov va  Oskar Valensuela to‘qnashuvi 22 avgust kuni Las-Vegasda bo‘lib o‘tishi rejalashtirilgan.