Ўзбекистонлик профессионал боксчи Санжарбек Раҳмонов ўзининг навбатдаги жангини ўтказади.

АҚШда машғулотлар ўтказиб келаётган Раҳмоновнинг 9 жанги америкалик Оскар Валенсуэлага қарши бўлади.                 

Бундан аввал жангларида 7 та ғалаба ва 1 та дуранг қайд этган андижонлик боксчи бу сафар 8 раундлик тўқнашувда ўз имкониятларини синовдан ўтказади. Таъкидлаш керак, 27 ёшли Валенсуэла бугунгача 12 та жанг ўтказишга улгурган бўлиб, 9 та ғалаба, 2 та мағлубият ва 1 та дуранг қайд этган. Боксчи ғалабаларининг 5 тасини муддатидан аввал якунлаган.

Маълумот учун, Санжар Раҳмонов ва  Оскар Валенсуэла тўқнашуви 22 август куни Лас-Вегасда бўлиб ўтиши режалаштирилган.