Oliy liganing 18-turidan o‘rin olgan “Mash’al” – “Sho‘rtan” (4:0) uchrashuvidan keyin mehmonlar ustozi Gennadiy Kochnev o‘z fikrlarini aytdi.

"Birinchi bo‘lim biz uchun omadsiz keldi. O‘yinimiz qovushmadi, aksiga olib tanaffus arafasida gol ura olmadik. Ikkinchi goldan keyin futbolchilarimiz nazoratni yo‘qotib qo‘yishdi va jiddiy xatolarga yo‘l qo‘ydik. Nima ham derdim, raqibni g‘alaba bilan tabriklayman! Biz keyingi o‘yin haqida o‘ylashni boshlaymiz. Bugungi xatolar ustida ishlab, “Metallurg”ga qarshi uchrashuvga jiddiy tarzda tayyorgarlik ko‘ramiz. Asosiysi, yigitlarni ruhiy tomondan tayyorlab olsak bo‘ldi.

“Mash’al”ni o‘rganmaganmidik? Yo‘q, o‘rgangandik, butun jamoa bo‘lib, raqib ishtirokidagi bellashuvni ko‘rib chiqqandik, shunchaki, futbolchilar bugun qandaydir, boshqacha o‘ynashdi. Ammo futbolda jamoa yutqazsa hamma aybdor bo‘ladi, kimnidir alohida ko‘rsatib o‘tishga hojat yo‘q. Lekin aytishim kerak, garchi bo‘lsa-da, bugun raqib darvozasini ishg‘ol qilish uchun bizda imkoniyat bo‘ldi, biroq foydalana olmadik" - dedi Kochnev.