“Real”ning portugaliyalik hujumchisi Krishtianu Ronaldu nafaqat ajoyib gollari, balki insoniylik xislatlari bilan ham muxlislar qalbidan joy olmoqda.
Futboldan olayotgan daromadining bir qismini bemor bolalar uchun sarflayotgan Ronaldu kuni-kecha yana bir 9 yoshli xastaning joniga oro kirdi. U bir necha yildan buyon yurak og‘rig‘idan aziyat chekayotgan polshalik Oliviyer Plusiyennikning bir umrlik homiysiga aylandi. Ispaniya nashrlarida yozilishicha, Krishtianu polshalik bolakayning davolanishiga ketadigan sarf-xarajatlarni butun umr to‘lashini ta’kidlagan.