Yoshlar ligasining 20-turida “Neftchi” hamda “Buxoro” jamoalari o‘zaro to‘qnash kelishdi.
Bellashuvda omad mehmon jamoa vakillariga kulib boqdi va ular uch ochkoni rasmiylashtirishdi. O‘yin taqdiri buxoroliklarning 2:4 hisobidagi g‘alabasi bilan yakunlandi.
Umuman olganda, o‘yin ssenariysi farg‘onalik futbolchilar uchun yaxshi boshlangandi. Dastavval “Neftchi” tarkibidan Avazbek O‘lmasaliyev ketma-ket ikki marta raqib darvozasini ishg‘ol etdi va dublga erishdi. Ammo bu g‘alabani uchun juda ozlik qildi.
Keyinchalik hisobni ushlab qolish “Neftchi” yoshlariga nasib etmadi. Birinchi va ikkinchi bo‘limda kiritilgan javob gollari mehmonlarga tablodagi ustunlikni taqdim etdi. Yakunida buxorolik yoshlar 2:4 ko‘rinishidagi hisob bilan navbatdagi g‘alabalarini tantana qilishdi.
Bahrom Haydarov shogirdlari bahsda quyidagi tarkibda harakatlandi.
Asosiy tarkib: Abdumavlon Abdujalilov, Abrorbek Ismoilov, Shodiyor Xojimatov, (S) Sherzod Hakimov, Xurshid Asqaraliyev, Avazbek O‘lmasaliyev, Sardorbek Isakov, Mirjamol Ne’matov, Islom Toshpo‘latov, Rizo Ayvazov, Farxod Namozov
Zaxira: Shuhratillo Rahmonov, Islombek Karimov, Elamon Karimov, Abdujalil Manazarov, Muhsin Ubaydullayev, Abduqodir Artikov, Xamidullo Abduxamodov
