“Everton” hujumchisi Ueyn Runining jazmani Lora Simpson futbolchining qanday qo‘lga tushganini gapirib berdi.

29 yoshli qizning aytishicha, ular kechqurun birga barga borishgan, yeb-ichishgan, raqsga tushishgan, jami to‘qqiz soat o‘tirishgan.

— Bunday lahzalarni so‘z bilan ta’riflab bo‘lmaydi, — dedi Simpson.

Keyinchalik ular bardan chiqishgan.

— Men juda mast edim, mashinani boshqara olmasdim. Shunda Runi mashinani hayday boshladi.

Qizning aytishicha, oradan biroz vaqt o‘tgach yo‘lda tartib posbonlariga duch kelishgan.

— Runi qattiq asabiylashdi, jahli chiqdi, — deydi qiz. — Nima qilishni bilmay qoldim. Hammasi ko‘z ochib-yumguncha bo‘ldi. Ochig‘i, haddan tashqari mast bo‘lganim uchun hech narsani idrok eta olmasdim, — dedi Simpson.