Kamerunlik hujumchi Samyuel Eto'O "Anji" klubida juda saxiyligi bilan iz qoldirgani ma’lum bo‘ldi.

Bu haqda klubning sobiq futbolchisi Serder Serderov xabar bermoqda.

"Eto'O menga juda yoqardi. U o‘zini yulduz kabi tutmagan, balki hamma bilan do‘stona munosabatda bo‘lgan. Bir o‘yindan so‘ng, menga qimmatbaho Rolex soatini sovg‘a qilgan.

U har bir o‘yinga 4-5ta soat olib kelardi. Kim yaxshi o‘ynasa, shularga sovg‘a qilib tarqatardi. Qizig‘i shundaki, buni boshqalarga bildirmasdan qilardi. Menga soat sovg‘a qilganida, hech kimga aytmasligimni ta’kidlagan. Keyinchalik, juda ko‘p yigitlar undan soat olganini bilganman" - dedi Serderov.

Eslatib o‘tamiz, Eto'O "Anji" klubi tarkibida 2011-2013 yillarda ishtirok etgan. U bilan birga hamyurtimiz Odil Ahmedov ham to‘p surgan edi.