Chernogoriyaning «Bokel» jamoasi darvozaboni, 33 yoshli Goran Lenas klub bazasida mashg‘ulotlar o‘tash chog‘ida otib o‘ldirildi. Bu haqda «TASS» xabar bermoqda.

Voqea 16 sentyabr kechki soatlarda ro‘y berdi. Lenas klubning Kotor shahridagi bazasida do‘sti bilan birga shug‘ullanayotgan edi, ammo noma’lum shaxs uning boshiga o‘q uzdi. Golkiper shifoxonaga yetkazildi, u yerda shifokorlar erkakning o‘limini qayd qildi.

Polisiya Kotorni bekitib qo‘ygan, ayni paytda jinoyatchi qidirilmoqda.

Ma’lum bo‘lishicha, qotil guvohlarni qo‘rqitish uchun bir necha marta havoga o‘q uzgan.

Chernogoriyaning Skalaradio radiostansiyasi jinoyatchi shaharni yaxshi bilishini taxmin qildi, negaki u qorong‘uda yashirinishga muvaffaq bo‘lgan va shu paytgacha polisiya uni topa olgani yo‘q.