«Barselona» yarimhimoyachisi Usmon Dembele jarohat olib, yanvar oyiga qadar safdan chiqdi.
AS xabariga ko‘ra, bu «Barselona»ga 10 million yevroni asrab qolishga yordam beradi.
Gap shundaki, futbolchining shartnomasiga ko‘ra, agar u mavsum davomida 50ta o‘yinda maydonga tushsa, "Borussiya" D 10 million yevro qo‘shimcha bonus olishi kerak. Dembelening yanvar oyigacha maydonga tushmasligini inobatga oladigan bo‘lsak, u bu marrani zabt etolmasligi aniq.
Eslatib o‘tamiz, «Barselona» futbolchining transferi uchun 105 mln yevro to‘lagan. Yana 42 million yevro turli xil bonuslar shaklida berilishi nazarda tutilgan.
