«Барселона» яримҳимоячиси Усмон Дембеле жароҳат олиб, январь ойига қадар сафдан чиқди.

AS хабарига кўра, бу «Барселона»га 10 миллион еврони асраб қолишга ёрдам беради.

Гап шундаки, футболчининг шартномасига кўра, агар у мавсум давомида 50та ўйинда майдонга тушса, "Боруссия" Д 10 миллион евро қўшимча бонус олиши керак. Дембеленинг январь ойигача майдонга тушмаслигини инобатга оладиган бўлсак, у бу маррани забт этолмаслиги аниқ.

Эслатиб ўтамиз, «Барселона» футболчининг трансфери учун 105 млн евро тўлаган. Яна 42 миллион евро турли хил бонуслар шаклида берилиши назарда тутилган.