Ispaniya chempionatining 5-turiga start berildi. «Valensiya» o‘z maydonida «Malaga»ni qabul qildi va yirik hisobda zafar quchdi.

Valensiyaliklar birinchi bo‘limda Santi Minaning goli evaziga hisobni ochishdi. Ikkinchi bo‘lim startida esa Simone Dzadza 8 daqiqa oralig‘ida "Malaga" darvozasini 3 marta ishg‘ol etdi. O‘yin so‘ngida Rodrigo uchrashuvga yakuniy nuqtani qo‘ydi.

Dzadza faoliyati davomida milliy chempionatlar doirasida dastlabki xet-trikka erishdi. Bungacha hujumchi Angliya va Italiya chempionatlarida o‘ynagan.

"Valensiya" o‘z ochkolarini 9taga yetkazib, jadvalda 3-o‘ringa ko‘tarilib oldi.

Ispaniya La ligasi, 5-tur
Valensiya – Malaga 5:0 (1:0, 4:0)
19 sentyabr, 23.00, «Mestalya»
Gollar: 1:0 – 17 Santi Mina, 2:0 – 55 Dzadza, 3:0 – 60 Dzadza, 4:0 – 63 Dzadza, 5:0 – 86 Rodrigo.
Valensiya – Neto, Montoyya, Gabriel, Murilyo, Toni Lato, Soler, Kondogbia (Pereyra, 65), Parexo (Maksimovich, 73), Gonsalu Gedesh, Santi Mina, Dzadza (Rodrigo, 67).
Malaga – Roberto, Migel Anxel, Ernandes, Diyego Gonsales (Bess, 70), Rikka, Rolon (Ontiveros, 61), Mula (Anyor, 61), Kuzmanovich, Resio, Xoni Rodriges, Rolan.
Ogohlantirish: Rikka (83).