Испания чемпионатининг 5-турига старт берилди. «Валенсия» ўз майдонида «Малага»ни қабул қилди ва йирик ҳисобда зафар қучди.

Валенсияликлар биринчи бўлимда Санти Минанинг голи эвазига ҳисобни очишди. Иккинчи бўлим стартида эса Симоне Дзадза 8 дақиқа оралиғида "Малага" дарвозасини 3 марта ишғол этди. Ўйин сўнгида Родриго учрашувга якуний нуқтани қўйди.

Дзадза фаолияти давомида миллий чемпионатлар доирасида дастлабки хет-трикка эришди. Бунгача ҳужумчи Англия ва Италия чемпионатларида ўйнаган.

"Валенсия" ўз очколарини 9тага етказиб, жадвалда 3-ўринга кўтарилиб олди.

Испания Ла лигаси, 5-тур
Валенсия – Малага 5:0 (1:0, 4:0)
19 сентябрь, 23.00, «Месталья»
Голлар: 1:0 – 17 Санти Мина, 2:0 – 55 Дзадза, 3:0 – 60 Дзадза, 4:0 – 63 Дзадза, 5:0 – 86 Родриго.
Валенсия – Нето, Монтойя, Габриэл, Мурильо, Тони Лато, Солер, Кондогбиа (Перейра, 65), Парехо (Максимович, 73), Гонсалу Гедеш, Санти Мина, Дзадза (Родриго, 67).
Малага – Роберто, Мигель Анхель, Эрнандес, Диего Гонсалес (Бесс, 70), Рикка, Ролон (Онтиверос, 61), Мула (Аньор, 61), Кузманович, Ресио, Хони Родригес, Ролан.
Огоҳлантириш: Рикка (83).