Мадриднинг «Атлетико» клуби ҳужумчиси Хулиан Альвареснинг агенти Фернандо Идальго «матрасчилар» раҳбариятининг баёнотларига билвосита кескин муносабат билдирди.
Илгарироқ «Атлетико» бош директори Мигель Анхель Хиль қуйидагича баёнот берган эди:
«Биз шуни тушунишимиз керакки, сўнгги ойларда Хулианга ўзининг профессионал фаолияти бўйича энг яхши маслаҳатлар берилмади».
Ушбу гапларга жавобан футболчининг вакили Фернандо Идальго ўзининг Instagram саҳифасида шундай ёзиб қолдирди:
«Ҳеч қачон ёлғончидан нега ёлғон гапирганини сўрама. Чунки буни тушунтириб бериш учун у яна ёлғон гапиришга мажбур бўлади».
