Вингер Рафинья «Барселона» билан шартномасини узайтириши мумкин — каталониялик клуб бу борада аллақачон иш олиб бормоқда. Шу билан бирга, бразилиялик юлдуз футболчи фаолиятини давом эттириш учун бошқа вариантларга ҳам эга.
El Nacional нашрининг Globo Esporte манбасига таяниб хабар беришича, «Челси», «Арсенал», «Манчестер Юнайтед» ва «Ал-Ҳилол» Рафиньяни ўз сафига қўшиб олишни истамоқда. Бу клубларнинг барчаси бразилиялик футболчига ҳозирги мавсумлик 16 миллион евро маошидан (солиқлардан олдин) анча юқори маош таклиф қилмоқда.
Рафинья «Барселона»да ўзини бахтли ҳис қилмоқда, аммо у ўз мақоми эътироф этилишини ва молиявий шартлар яхшиланишини хоҳламоқда.
Аввалроқ «Барселона» янги шартнома доирасида Рафиньянинг маошини оширишга тайёр экани хабар қилинган эди.
