Туриннинг «Ювентус» клуби қанот ҳужумчиси Кенан Йилдиз Мадриднинг «Реал» жамоаси қизиқишлари доирасига тушди.
Италия клуби туркиялик истеъдодли футболчининг трансфер нархини мадридликларга маълум қилди.
Хабарларга кўра, «Ювентус» Йилдиз учун 150 миллион евро атрофидаги таклифни кўриб чиқишга тайёр.
Таъкидланишича, «Реал» дастлаб «Бавария» футболчиси Майкл Олисени сотиб олишни режалаштирган.
Бироқ ушбу трансферни амалга ошира олмаган Мадрид клуби эътиборини Кенан Йилдизга қаратган.
Шунингдек, туркиялик футболчининг ўйинларини «Барселона» ҳам кузатиб бормоқда.
