Мадриднинг «Реал» клуби мураббийлар штаби марказий ҳимоячи Эдер Милитаонинг соғлиғини хавф остига қўйишни истамаяпти.

28 ёшли бразилиялик футболчи апрель ойидан буён жароҳати сабаб майдонга тушмаяпти. Бироқ ҳозир у сафга қайтишга яқин турибди.

Marca нашри маълумотларига кўра, Милитао яқинда ўтказилган машғулот ўйинининг сўнгги дақиқаларида майдонга тушишни истаган.

Шу орқали у «Реал» мураббийлар штабига ўйнашга тайёр эканини исботламоқчи бўлган.

Бироқ футболчи қатъий рад жавобини олган.

«Йўқ, сен ҳатто беш дақиқага ҳам майдонга тушмайсан», — дейилган унга.

10 октябрь, шанба куни Жозе Моуриньо шогирдлари Испания Ла Лигасининг саккизинчи турида ўз майдонида «Вильярреал»ни қабул қилади.

Учрашув Ўзбекистон вақти билан 11 октябрь куни соат 00:00 да бошланади.

Айни пайтда «Реал» Испания чемпионати турнир жадвалида тўртинчи ўринни эгаллаб турибди.