«Барселона» бош мураббийи Ханс-Дитер Флик жамоанинг бразилиялик ҳужумчиси Рафинья Диаснинг соғлиғи билан боғлиқ вазият ҳақида маълумот берди.

«Тиббий текширувлар Рафиньяда муайян муаммо борлигини кўрсатди.

Гап жиддий жароҳат ҳақида кетаётгани йўқ, аммо биз эҳтиёткорлик билан иш тутишимиз керак.

Ўтган мавсумда ҳам унинг танасининг айнан шу қисмида муаммо бўлган эди. Шунинг учун ҳар қандай хавфнинг олдини олишни истаймиз.

Шу сабабли у эртанги учрашувда майдонга туша олмайди. Шунингдек, Чемпионлар лигаси доирасида «Галатасарой»га қарши баҳсни ҳам ўтказиб юборади», — деди Флик матбуот анжуманида.

Рафинья жорий мавсумда барча мусобақалар доирасида саккизта учрашувда майдонга тушиб, 14 та гол урган ва учта голли узатмани амалга оширган.

«Барселона» 10 октябрь куни Испания Ла Лигасининг саккизинчи тури доирасида ўз майдонида «Хетафе»ни қабул қилади.

Учрашув Ўзбекистон вақти билан соат 21:30 да бошланади.