"Арсенал" Мадриднинг "Атлетико" клуби ҳужумчиси Хулиан Альваресни сотиб олиш имкониятини ўрганмоқда.
Инсайдер Фабрицио Романо маълумотига кўра, "канонирлар" вакиллари Лондонда "Атлетико" спорт директори Матеу Алемани билан учрашиб, аргентиналик футболчининг эҳтимолий трансфери шартларини муҳокама қилган.
Айни пайтда трансферни амалга ошириш осон эмас. "Арсенал" Альварес учун белгиланган нархни жуда юқори деб ҳисобламоқда. Қолаверса, ҳужумчи аввалдан "Барселона"га ўтишни афзал кўриб келган ва Англия Премьер-лигасига қайтиш истагини билдирмаган.
26 ёшли Альварес Англия чемпионатини яхши билади. У 2022–2024 йилларда "Манчестер Сити" сафида тўп тепган ва жамоа билан бир қатор совринларни қўлга киритган.
