"Arsenal" Madridning "Atletiko" klubi hujumchisi Xulian Alvaresni sotib olish imkoniyatini o‘rganmoqda.

Insayder Fabrisio Romano ma’lumotiga ko‘ra, "kanonirlar" vakillari Londonda "Atletiko" sport direktori Mateu Alemani bilan uchrashib, argentinalik futbolchining ehtimoliy transferi shartlarini muhokama qilgan.

Ayni paytda transferni amalga oshirish oson emas. "Arsenal" Alvares uchun belgilangan narxni juda yuqori deb hisoblamoqda. Qolaversa, hujumchi avvaldan "Barselona"ga o‘tishni afzal ko‘rib kelgan va Angliya Premyer-ligasiga qaytish istagini bildirmagan.

26 yoshli Alvares Angliya chempionatini yaxshi biladi. U 2022–2024 yillarda "Manchester Siti" safida to‘p tepgan va jamoa bilan bir qator sovrinlarni qo‘lga kiritgan.