«Ан-Наср» Саудия Арабистони чемпионатидаги муваффақиятли юришини давом эттириб, кетма-кет иккинчи учрашувда йирик ҳисобда зафар қучди.

Анге Постекоглу жамоаси 2-турда сафарда «Ар-Риёд» билан тўқнаш келиб, рақиб дарвозасига жавобсиз тўртта гол урди — 4:0.

Меҳмонларнинг голларини Абдуллоҳ Ал-Амри, Анжелу Габриэл, Жоау Феликс ва Криштиану Роналду ўз ҳисобига ёздириб қўйди. Иккинчи бўлимда захирадан майдонга тушган 41 ёшли Роналду 83-дақиқада якуний ҳисобни ўрнатди.

Шу тариқа, португалиялик юлдуз янги мавсумдаги илк расмий учрашувидаёқ гол уришга муваффақ бўлди.

«Ан-Наср» мавсумни икки ишончли ғалаба билан бошлади. Жамоа дастлабки турда «Ал-Фатҳ»ни 3:0 ҳисобида мағлуб этган бўлса, энди «Ар-Риёд» дарвозасига тўртта жавобсиз тўп киритди.

Натижада Постекоглу шогирдлари дастлабки икки учрашувда 7 та гол уриб, ўз дарвозасидан ҳали бирорта ҳам тўп ўтказиб юборгани йўқ.