Мадриднинг «Реал» клуби «Арсенал» вингери Букайо Сака ва «Манчестер Сити» яримҳимоячиси Раян Шеркига қизиқиш билдирмоқда. Бу ҳақда Fussball News нашри хабар берди.
Манбага кўра, «Реал» ҳужум чизиғини кучайтириш мақсадида ҳар икки футболчини ўз трансфер рўйхатига киритган.
Ҳозирча испан клуби инглиз клублари билан музокара бошламаган, аммо яқин орада футболчиларнинг вакиллари билан боғланиши мумкин.
Маълум қилинишича, «Манчестер Сити» Шеркининг трансферини 100 миллион евродан юқори баҳоламоқда. «Арсенал» эса Сака учун камида 150–160 миллион евро талаб қилиши мумкин.
Испания чемпионатида 10 турдан кейин 24 очко тўплаган «Реал» турнир жадвалида учинчи ўринни эгаллаб турибди.
